Teri gali

Wo dhund main lipti teri gali
teray ghar ka nazara madham sa
seenay main sulagta raakh sa dil
par ankh kinara num num sa
yeh neem khula darwaza tera
band karnay ko a or dekh mujay
lahoo dhund ki chadar main lipta
sardi main titarhta dekh mujay
is neem khulay darwazay kay
us paar kabi to nazar ayo
yakh basta fazaye sarma main
tum dhoop ki ban kay khabar ayo
teray darwazay kay seenay say
wo dhund kay qatray liptay hoye
meray ansu lagtay hay mujko
teray darwazy pay dastak detay hoye
dil chahy bhais badal kar main
teri chokat ko maskan kar lo
teray dar say agar kuch pao na to
ashko hi say kasaa main barhlo

By: Jaan jazib